मजुराचा खून करणाऱ्याला पोलिसांनी अवघ्या काही तासातच घेतले ताब्यात

धुळे प्रतिनिधी – उसनवारीच्या पैश्याच्या वादातून झालेल्या वादातून धुळे शहरातील भंगार बाजारातील मजुराचा खून करणाऱ्या आरोपीस अवघ्या काही तासात धुळे स्थानिक गुन्हे अन्वेषण विभागाचे निरीक्षक हेमंत पाटील यांच्या पथकाने बेड्या ठोकल्या आहे. मयत व्यक्ती समवेत अनैसर्गिक संबंध केल्याचा धुळे पोलिसांना संशय असून या संदर्भात वैद्यकीय तपासणीचा अहवाल आल्यानंतर पुढील कारवाई करण्यात येणार असल्याची माहिती पोलीस अधीक्षक संजय बारकुंड यांनी पत्रकार परिषदेत दिली.धुळ्यात नवीन वर्षाची सुरुवात होताच चाळीसगाव रोड चौफुली परिसरात एका व्यक्तीचा काल दुपारी मृतदेह आढळून आला होता. या संदर्भात धुळे शहर पोलीस ठाण्यात खुनाचा गुन्हा दाखल झाल्यानंतर स्थानिक गुन्हे अन्वेषण विभागाचे निरीक्षक हेमंत पाटील आणि शहर पोलीस ठाण्याचे निरीक्षक आनंद कोकरे यांनी समांतर तपास सुरू केला. दरम्यान या गुन्ह्यात स्थानिक गुन्हे अन्वेषण विभागाच्या पथकाने पनवेल येथून एका आरोपीस बेड्या ठोकल्या आहे.उत्तर प्रदेशात राहणारा विजयकुमार झिनत गौतम नावाचा युवक धुळे शहरातील भंगार बाजार परिसरात हमालीचे काम करीत होता. त्याचा मृतदेह संशयितरित्या आढळला होता, त्यामुळे धुळे स्थानिक गुन्हे अन्वेषण विभागाने तपास सुरू केला. यात चाळीसगाव रोड चौफुली भागातील सीसीटीव्ही फुटेज तपासण्यात आले. या फुटेज मध्ये एक व्यक्ती

संशयितरित्या बस मध्ये बसत असल्याचे दिसून आले. त्यामुळे त्या फुटेजच्या आधारावर पथकाने चौकशी सुरू केली. यावेळी त्यांना गुन्ह्यात राहुल अवधराम हरजन उर्फ गौतम याचा सहभाग असल्याचे निदर्शनास आले. पोलिसांनी सखोल तपास केला असता मयत विजयकुमार आणि आरोपी राहुल हा घटना झाली त्या दिवशी अमळनेर येथे गेले होते .त्या ठिकाणी या दोघांनी एका महिलेसोबत संबंध ठेवल्याची माहिती प्राथमिक तपासात पुढे आली आहे. तेथून आल्यानंतर या दोघांनी भरपूर मद्यपान केले. यावेळी उधारीच्या पैशावरून वाद झाल्याने राहुल याने विजयकुमार याला बेदम मारहाण केली. तत्पूर्वी अनैसर्गिक कृत्य करून त्याने त्याच्याकडील पैसे काढून घेतल्याचा पोलिसांना संशय आहे. मारहाण केल्यानंतर राहुल हा तेथून निघून गेला. मात्र गंभीर जखमी असलेल्या विजयकुमार याचा जबर मार लागल्याने मृत्यू झाला. ही बाब तपासात निदर्शनास आल्याने पोलीस पथकाने पनवेल परिसरातील करंबोळी येथून राहुल याला ताब्यात घेतले. त्याची चौकशी केल्यानंतर या खुनाचा उलगडा झाला असल्याची माहिती पोलिस अधीक्षक संजय बारकुंड यांनी पत्रकारांशी बोलताना दिली.