बंद इमारतीत आढळला युवकाचा मृतदेह

मुंबई ः विक्रोळी पूर्वच्या स्टेशन पूर्व रोड परिसरात पडीक इमारतीमध्ये एका व्यक्तीचा मृतदेह आढळून आला आहे. सदर घटनेची माहिती पोलिसांना मिळताच त्यांनी लगेचच घटनास्थळी धाव घेतली. इमारतीमध्ये मृतदेह आढळल्याने आसपासच्या परिसरातील नागरिकांमध्ये भीतीचे वातावरण पसरले आहे. मृतदेह पाण्यात असल्याने त्याचा वास परिसरात सर्वत्र पसरला होता. घटनास्थळी अग्निशमन दल व विक्रोळी पोलीस ठाणे पोलीस पोहोचले व या मृतदेहास ताब्यात घेतले आहे. पुढील क्रियेसाठी या मृतदेहास जवळील पालिकेच्या रुग्णालयात दाखल करण्यात आले आहे.