सुनीता विल्यम्स यांचा परतीचा प्रवास सुरू

फ्लोरिडा : तब्बल 9 महिने आणि 13 दिवस अंतराळात अडकलेल्या अंतराळवीर सुनीता विल्यम्स आणि बुच विल्मोर यांचा पृथ्वीवर परतीचा प्रवास सुरू झाला आहे. त्यांच्यासोबत, आंतरराष्ट्रीय अंतराळ स्थानकात उपस्थित असलेले क्रू-10 चे आणखी दोन अंतराळवीर, निक हेग आणि अलेक्झांडर गोर्बुनोव्ह यांनी मंगळवारी अंतराळ स्थानक सोडले. चारही अंतराळवीर ड्रॅगन अंतराळयानात चढल्यानंतर, मंगळवारी सकाळी 08:35 वाजता अंतराळयानाचा हॅच बंद करण्यात आला आणि सकाळी 10:35 वाजता अंतराळयान आंतरराष्ट्रीय अंतराळ स्थानकापासून वेगळे झाले. ते बुधवारी रोजी पहाटे 3:27 वाजता फ्लोरिडाच्या किनार्‍यावर उतरेल.