स्वाती मालीवाल मारहाणीचा तपास एसआयटी करणार

नवी दिल्ली ः आता आम आदमी पार्टीच्या राज्यसभा खासदार स्वाती मालीवाल यांच्यावर सीएम हाऊसमध्ये झालेल्या हल्ल्याच्या प्रकरणाचा विशेष तपास पथक करणार आहे. पोलिसांनी दिलेल्या माहितीनुसार, एसआयटीचे नेतृत्व उत्तर दिल्लीच्या डीसीपी अंजिता चेप्याला करत आहेत. या पथकात निरीक्षक दर्जाच्या 3 अधिकार्‍यांचाही समावेश आहे. ज्यामध्ये गुन्हा दाखल करण्यात आला त्या सिव्हिल लाइन्स पोलिस स्टेशनच्या अधिकार्‍याचाही समावेश आहे. तपास केल्यानंतर एसआयटी आपला अहवाल वरिष्ठांना सादर करेल.