शेवगाव तहसीलमध्ये शेतकर्‍यांचे शिवपाणंद रस्तेप्रश्‍नी आंदोलन

शेवगाव तालुका ः शिवपाणंद रस्ते व शेत रस्ते चळवळीचे महाराष्ट्र राज्याचे प्रमुख शरदराव पवळे, राज्य समन्वयक दादासाहेब जंगले रवींद्र सानप यांच्या मार्गदर्शनाखाली शेवगाव तालुका कृती समितीच्या वतीने शेवगाव तालुक्यातील शिवपाणंद रस्ते व शेत रस्ते खुले करा या मागणी संदर्भात शेवगाव कृषी उत्पन्न बाजार समितीच्या शेतकरी सभागृहात पासून शेतकर्‍यांनी भव्य दिव्य अशी रॅली काढून आंदोलन केले.
यावेळी शेवगाव तहसील कार्यालयात पोहचली त्यानंतर तीन तास ठिय्या आंदोलना नंतर शेवगावचे तहसीलदार प्रशांत सांगडे यांनी शिवपाणंद रस्ते व शेत रस्तेसमितीचे प्रमुख शरदराव पवळे यांच्या उपस्थितीत तालुक्यातील रस्ते पिडीत शेतकर्‍यांशी संवाद साधून लगेच परिपत्रक काढले. त्या परिपत्रकानुसार भूमी अभिलेख व पोलीस संरक्षणाची फी भरण्याची आवश्यकता नसल्याचे यावेळी जाहीर करण्यात आले. पुढील चार महिन्यात तालुक्यातील रस्त्याचे प्रलंबित प्रश्‍नमार्गी काढले जातील व 2 ऑक्टोबर महात्मा गांधी गांधीजयंतीच्या पूर्वीच तालुक्यातील गाव पातळीवरीलरस्ते ग्राम समित्या स्थापन केल्या जातील असेही निर्देश परिपत्रकात जारी करण्यात आले. यावेळी रस्ते पिडीत शेतकर्‍यांनी आपल्या भावना व्यक्त केल्या कृती समितीचे राज्य प्रमुख शरदराव पवळे, रवींद्र सानप, पत्रकार शहाराम आगळे, बाळासाहेब शिंदे, दादासाहेब बोडखे, श्यामराव सावंत, शिवाजी रिंधे, भाऊसाहेब सामृत, काकासाहेब हारदास,राजेंद्र फाटके, परमेश्‍वर मिर्झे, श्रीकांत निकम यांच्यासह तालुक्यातील निसार शेख, शंकर शिदे, आनंद गांधी, सतिष कणगरे, भाऊसाहेब आर्ले, कचरू इसरवाडे, हजारो शेतकरी या आंदोलनात सहभागी झाले होते. यावेळी तहसीलदार प्रशांत सांगडे यांनी शेतकर्‍यांशी संवाद करत तत्काळ परिपत्रक जारी केले.याबद्दल कृती समितीच्या वतीने राज्याचे प्रमुख शरद पवळे यांनी शेवगावचे तहसीलदार प्रशांत सांगडे यांचा सत्कार केला.

शेतकर्‍यांच्या चेहर्‍यावर हासू येईलअसे काम शिव पानंद रस्ता व शेत रस्ता चळवळ राज्यभर काम करत आहे. त्या चळवळीला आपण गतिमान करण्यासाठी तात्काळ रस्ते खुले करावे. रस्त्यामुळे ग्रामीण भागात फार बिकट परिस्थिती निर्माण झाली आहे. राज्यातील अनेक जिल्ह्यामधून प्रशासकीय पातळीवर प्रशंसनीय काम होत आहे. तसे काम शेवगाव तालुक्यातील व्हावे अशी शेतकर्‍यांच्या वतीने आम्हाला अपेक्षा आहे. या चळवळीला प्रशासकीय पातळीवर गती मिळाल्यास शेतकर्‍यांच्या चेहर्‍यावर लवकरच हासू पहावयास मिळेल.
शरदराव पवळे, राज्यप्रमुख शिवपाणंद रस्ते व कृती समिती प्रमुख