पढेगावच्या शिंदे दाम्पत्याचे तीन तासाच्या अंतराने निधन

कोपरगाव प्रतिनिधी ः तालुक्यातील पढेगाव येथील वारकरी सांप्रदयाच्या शेतकरी कुटुंबातील भागीरथीबाई भगीरथ शिंदे वय 70 यांचे मंगळवारी सकाळी सव्वादहाच्या सुमारास अल्पशा आजाराने निधन झाले. त्यांच्या जाण्याने नातेवाईकांचा आक्रोश सुरु होता. अंत्यविधीची तयारी चालु असताना त्यांचे पती ह.भ.प.भगीरथ दगडू शिंदे (वय 73) यांचेही हृदय विकाराच्या तीव्र झटक्याने दुपारी एक वाजता निधन झाले. त्यांच्या कुटुंबावर एकाचवेळी दूहेरी संकट कोसळले. दुपारी तीन वाजेच्या सुमारास पढेगाव वैकुंठभूमीत या दांपत्यावर शोकाकुल वातावरणात अंत्यसंस्कार करण्यात आले. त्यांच्या मागे एक मुलगी दोन मुले  संतोष आणि परमेश्‍वर असा परिवार आहे.