भाजपा राष्ट्रीय अध्यक्ष, जे पी नड्डा यांच्या उपस्थितीत मुंबईत युवा संवाद कार्यक्रमाचे आयोजन

मुंबई प्रतिनिधी – भारतीय जनता पक्षाचे राष्ट्रीय अध्यक्ष जगत प्रकाश नड्डा, हे मुंबई दौऱ्यावर आहेत. याच दरम्यान महाराष्ट्र शासनाच्या कौशल्य विकास विभागाच्या वतीने युवा संवाद या कार्यक्रमाचे आयोजन करण्यात आले आहे. हा कार्यक्रम प्रभादेवी येथील रवींद्र नाट्य मंदिर येथे आयोजित करण्यात आलेला आहे. या प्रसंगी राज्याचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस , भाजप आमदार अँड आशिष शेलार , राहुल नार्वेकर , शिवसेना आमदार मनीषा कायंदे हे उपस्थित आहेत. तसेच कौशल्य विकास विभागाचे मंत्री मंगल प्रभात लोढा हे देखील याठिकाणी उपस्थित आहेत.त्यांच स्वागत मोठ्या उत्साहाने सर्व विध्यार्थी व पालकांनी केल. या वेळी 10 वी आणि 12 वी नंतर काय? याविषयावर विद्यार्थ्यांना मार्गदर्शन करण्यात आल आहे. त्याचप्रमाणे विविध स्टार्ट अपचे स्टॉल्स, व्यवसाय मार्गदर्शन विषयातील विविध स्टॉल्स, शैक्षणिक कर्ज पुरविणाऱ्या बँकांचे स्टॉल्स, पुस्तकांचे प्रदर्शन आणि व्यवसाय मार्गदर्शन विषयातील एक भव्य प्रदर्शनीचे दालन याठिकाणी उभारण्यात आले आहे. अधिकाधिक विद्यार्थी आणि पालकांनी याचा लाभ घेतला.