छमछमला उस्थळ दुमाला गावातून एकमुखी विरोध !

नेवासाफाटा/प्रतिनिधी ः नाच-गाण्याचे कला केंद्र बाभूळवेढा (ता.नेवासा) शिवारात सुरु होण्यासाठी पोलीस बंदोबस्तात गुरुवार (दि.18) रोजी सकाळी 10 वाजता उस्थळ दुमाला (ता.नेवासा) ग्रामपंचायत कार्यालयाच्या प्रांगणात बोलाविलेल्या विशेष ग्रामसभेत सर्वानुमते घुंगराच्या आवाजाला नापसंती व्यक्त करत या विशेष ग्रामसभेत दोनशे महीला व चारशे पुरुषांनी या ग्रामसभेला हजेरी लावत कला केंद्राला ’ना’हरकत दाखला नामंजूर करण्याचा एकमुखी निर्णय या बैठकीत घेतल्यामुळे अखेर छमछमचा आवाज सुरु होण्याआधीच बंद करण्यात ग्रामस्थांना यश आले आहे.
याबाबत अधिक सविस्तर वृत्त असे की, बाभूळवेढे शिवारात कला केंद्र सुरु करण्यासाठी सचिन वसंत काळे व सुवर्णा वसंत काळे यांनी कला केंद्र सुरु होण्याकामी ग्रामपंचायतीकडे ’ना’हरकत दाखला मिळण्यासाठी रितसर अर्ज केलेला होता त्यामुळे सरपंच किशोर सुकाळकर यांनी विशेष ग्रामसभा बोलावून सर्वानुमते निर्णय घेण्याचे ठरवून ही ग्रामसभा गुरुवार (दि.18) रोजी सकाळी 10 वाजता पोलीस बंदोबस्तात घेण्यात आली या ग्रामसभेला दोनशे महीला व चारशे पुरुषांनी हजेरी लावून या कला केंद्राला परवानगी देवू नये अशी एकमुखी मागणी या विशेष ग्रामसभेत उपस्थित महीला व पुरुषांनी केली त्यामुळे या कला केंद्राला ’ना’ हरकत दाखला नामंजूर केला असल्यामुळे अखेर घुंगराचा दणदणाट कायमस्वरुपी बंद करण्यात आला. यावेळी झालेल्या विशेष ग्रामसभेत जेष्ठनेते रामराव पाटील भदगले, राधाकिसन वाघ, कुंडलिक (दादा) चिंधे, त्रिंबक भदगले यांनी गावांत कला केंद्राला मंजूरी देवू नये अशी मागणी या विशेष ग्रामसभेत केली या मागणीला सर्वानुमते दुजोरा देण्यात आला अन् अखेर छमछमचा आवाज विशेष ग्रामसभेने हाणून पाडला आहे या विशेष ग्रामसभेला चेअरमन देविदास वाघ, प्रशांत सुकाळकर, कैलास पिटेकर, चंद्रशेखर सुकाळकर, बाबासाहेब सुकाळकर,तंटामुक्ती अध्यक्ष राजेंद्र गायकवाड, जयसिंग गायकवाड, बद्रिनाथ चिंधे, डॉ.राधाकृष्ण सुकाळकर, बंडू सानप, बाळासाहेब सानप,जयसिंग सानप, मोहन सुकाळकर, बापूराव गायकवाड, दादा वाघ, गणेश गायकवाड यांच्यासह यावेळी या विशेष ग्रामसभेला महिला- पुरुष मोठ्या संख्येने उपस्थित होते.

ग्रामसभेत कलाकेंद्राचा प्रस्ताव रद्द- कला केंद्र सुरु करण्यासाठी विशेष ग्रामसभेचे पोलीस बंदोबस्तात आयोजन केलेले होते या झालेल्या विशेष ग्रामसभेचे अध्यक्ष सरपंच किशोर सुकाळकर यांच्या नावाची सुचना राजेंद्र सानप यांनी मांडली तर याला अनुमूदन संदिप काळे यांनी दिले सरपंच – उपसरपंचासह सदस्य आणि ग्रामस्थांनी कला केंद्राच्या ’ना’ हरकत दाखल्याला विरोध दर्शवून या विशेष ग्रामसभेत कला केंद्राचा प्रस्ताव अखेर रद्द करण्यात आला