समृद्धी महामार्गावरील अपघातात एकाचा मृत्यू

धामणगाव ः  रायपूर येथून शिर्डीला दर्शनाला जात असताना गाडीचा वेग नियंत्रणात न आल्याने धामणगावनजीक समृद्धी महामार्गावर झालेल्या अपघातात रायपूर येथील कापड व्यापारी जागीच ठार झाले, तर तिघे जण किरकोळ जखमी झाले. ही घटना रविवारी पहाटे चार वाजता घडली. दिनेश दौलत पंजवाणी वय 37 वर्ष (रा . खिलोना फॅक्टरी, साईनगर, जेल रोड, रायपूर) असे मृताचे नाव आहे. वाहन तेच चालवित होते. मनीष पंजवाणी (33),  प्रदीप जगन्नाथ चांदवानी (45), विकास जानवाणी (23. सर्व रा. रायपूर) असे जखमीचे नावे आहेत.