नायब सैनी यांनी घेतली मुख्यमंत्रिपदाची शपथ

पंचकुला : हरियाणात भाजपने तिसर्‍यांदा सत्ता मिळवल्यानंतर गुरूवारी नायब सैनी यांनी दुसर्‍यांदा मुख्यमंत्रिपदाची शपथ घेतली. पंचकुला येथील दसरा मैदानावर हा शपथविधी सोहळा पार पडत आहे. या कार्यक्रमाला पंतप्रधान नरेंद्र मोदी, केंद्रीय गृहमंत्री अमित शहा, भाजपचे अध्यक्ष जे.पी. नड्डा, नितीन गडकरी, राजनाथ सिंह यांची प्रमुख उपस्थिती होती. नायब सैनी यांच्यासह 13 आमदारांनी यावेळी मंत्रिपदाची शपथ घेतली. यामध्ये अनिल विज, श्याम सिंह राणा, महिपाल धांडा, कृष्ण लाल पनवार, अरविंद शर्मा, रणबीर सिंग गंगवा, आरती राव, श्रुती चौधरी, राव नरबीर सिंग, विपुल गोयल, राजेश नागर गुर्जर, गौरव गौतम आणि कृष्ण कुमार बेदी यांचा समावेश आहे.