महाकुंभमध्ये लाखो भाविकांनी केले शाही स्नान

प्रयागराज : उत्तरप्रदेशातील प्रयागराजमध्ये सोमवारी सकाळपासून महाकुंभ-2025 ला सुरूवात झाली आहे. महाकुंभात पहिल्याच दिवशी लाखो भाविकांनी शाही स्नानाचा लाभ घेतला. 144 वर्षांतून एकदाच घडणार्‍या या दुर्मिळ खगोलीय योगायोगाबद्दल भाविकांचा उत्साह शिगेला पोहोचला आहे. महाकुंभात सहभागी होण्यासाठी जगभरातून लोक आले आहेत. महाकुंभ सुरू झाला आहे. पौष पौर्णिमेला पहिले स्नान आहे. यावेळी 1 कोटी भाविक संगमात स्नान करणार आहेत. संगम नाक्यावर दर तासाला 2 लाख लोक स्नान करत आहेत. आजपासूनच भाविक 45 दिवसांच्या कल्पवासाला सुरुवात करणार आहेत.
संगम नाक्यासह सुमारे 12 किमी परिसरात स्नान घाट बांधण्यात आला आहे. संगमावर सर्व प्रवेश मार्गांवर भाविकांची गर्दी आहे. महाकुंभात वाहनांना प्रवेश बंद करण्यात आला आहे. त्यामुळे भाविक 10-12 किलोमीटर पायी चालत संगमावर पोहोचत आहेत. 60 हजार सैनिक सुरक्षा आणि सुव्यवस्था राखण्यात गुंतले आहेत. पोलिस कर्मचारी स्पीकरवरून लाखोंच्या संख्येने गर्दीचे व्यवस्थापन करत आहेत. कमांडो आणि निमलष्करी दलाचे जवानही ठिकठिकाणी तैनात आहेत. कडाक्याच्या थंडीत परदेशी भाविकही न्हाऊन निघत आहेत. अ‍ॅपलचे सहसंस्थापक स्टीव्ह जॉब्स यांच्या पत्नी लॉरेन पॉवेल जॉब्सही महाकुंभला पोहोचल्या आहेत. निरंजनी आखाड्यात त्यांनी विधी केला. कल्पवासही करणार आहेत. 144 वर्षात दुर्मिळ खगोलीय संयोगाने महाकुंभ होत आहे.

धार्मिक आस्था आणि समरसतेचा उत्सव : पंतप्रधान मोदी
पंतप्रधान नरेंद्र मोदी यांनी प्रयागराज येथे सुरू होणार्‍या महाकुंभ 2025 च्या शुभारंभानिमित्त सोमवारी सर्वांना शुभेच्छा दिल्या. एक्सवर ट्विट करत पंतप्रधान मोदी म्हणाले की, ‘भारतीय मूल्ये आणि संस्कृती जोपासणार्‍या कोट्यवधी लोकांसाठी हा एक अतिशय खास दिवस आहे. महाकुंभ हा भारताच्या शाश्‍वत आध्यात्मिक परंपरेचे प्रतीक असून श्रद्धा व सौहार्द यांचा उत्सव आहे. प्रयागराज येथे महाकुंभ 2025 चा प्रारंभ होत असून, श्रद्धा, भक्ती आणि संस्कृतीच्या पवित्र संगमासाठी असंख्य लोक एकत्र येत आहेत. महाकुंभ भारताच्या शाश्‍वत आध्यात्मिक परंपरेचे प्रतीक असून श्रद्धा व सौहार्द यांचा उत्सव साजरा करत असल्याचे म्हटले आहे.