अमरावतीत तरुणीवर प्राणघातक हल्ला

अमरावती ः  शहरातील राजापेठ परिसरातील एका महाविद्यालयीन तरुणीवर एका तरुणाने धारदार शस्त्राने हल्ला चढवल्याची भयंकर घटना बुधवारी सकाळी घडली आहे. या घटनेमुळे शहरात खळबळ माजली असून, तरुणींमध्ये दहशतीचे वातावरण पसरले आहे. पोलिसांच्या माहितीनुसार, जखमी विद्यार्थिनी राजापेठ अंडरपासमधून महाविद्यालयाला जात होती. तेवढ्यात एका तरुणाने तिच्यावर चाकूने प्राणघातक हल्ला चढवला. त्यात ती गंभीर जखमी झाली. तिच्यावर जिल्हा सामान्य रुग्णालयात उपचार सुरू आहेत. हल्लेखोर तरुण तरुणीच्या ओळखीचा असल्याचे सांगण्यात येत आहे.