पुण्यात महिन्याभरात 1.34 लाख दाखल्यांचे वितरण

पुणे ः जेजुरी येथे होणार्‍या ’शासन आपल्या दारी’ या कार्यक्रमासाठी कोणत्याही प्रकारचे दाखले वितरण करणे रोखले नसल्याचे स्पष्टीकरण जिल्हाधिकारी कार्यालयाच्या वतीने देण्यात आले आहे. गेल्या सुमारे महिनाभराच्या कालावधीत विविध प्रकारचे सुमारे 1 लाख 34 हजार दाखल्यांचे वितरण करण्यात आल्याचेही जिल्हाधिकारी कार्यालयाने सांगितले. जिल्हा प्रशासनाच्या वतीने 1 जून ते 9 जुलै 2023 या कालावधीत शपथपत्रासह नॉन क्रिमीलियर प्रमाणपत्र नुतनीकरण 3, उत्पन्नाचा दाखला 77 हजार 821, रहिवासी दाखला 2 हजार 673, वय राष्ट्रीयत्व आणि अधिवास दाखला 24 हजार 635, पतदारी प्रमाणपत्र 23, ज्येष्ठ नागरिक प्रमाणपत्र 355, अल्पभूधारक दाखला 434 असे एकूण 1 लाख 34 हजार 245 दाखल्याचे नागरीक व विद्यार्थ्यांना वितरण करण्यात आले आहे.