ग्रामपंचायत निवडणुकीचा खर्च सादर न करणाऱ्या उमेदवारांवर होणार अपात्रतेची कारवाई

  बुलढाणा प्रतिनिधी – बुलढाणा जिल्ह्यात जानेवारी २०२२ ते डिसेंबर २०२२ या कालावधीमध्ये २९२ ग्रामपंचायतीची सार्वत्रिक निवडणूक पार पडली, आणि यामध्ये निवडणूक लढणाऱ्या उमेदवारांनी निवडणुका झाल्यापासून ३० दिवसाच्या आत निवडणूक खर्च सादर करणे बंधनकारक आहे. मात्र निवडणूक लढलेल्या ६९० उमेदवारांनी खर्च सादर केला नसल्याने त्यांच्यावर अपात्रतेची कारवाई करण्यासंदर्भात जिल्हाधिकारी कार्यालयाच्या निवडणूक विभागाने प्रक्रिया सुरू केली आहे. लवकरच या उमेदवारांवर अपात्रतेची कारवाई होणार आहे.