कॉलेजला निघालेल्या अल्पवयीन मुलीचे अपहरण करुन अत्याचार

मुंबई प्रतिनिधी  – अल्पवयीन मुलीचे अपहरण करुन तिच्यावर अत्याचार केल्याचा धक्कादायक प्रकार मुंबईत(Mumbai) घडला आहे. मुंबईत एका अल्पवयीन मुलीचे वडाळा येथून अपहरण करुन तिच्यावर पुणे एक्सप्रेस वे येथील झाडीत नेऊन तिच्यावर अत्याचार केल्याची संतापजनक घटना समोर आली आहे. विशाल विरकर असे आरोपीचे नाव असून  त्याने पीडितेला धमकावून आणि मारहाण करत तिच्यावर त्याने अत्याचार केले असा आरोप पीडितेने केला आहे.या प्रकरणी पीडितेने दिलेल्या तक्रारीनुसार कंळबोली पोलिस ठाण्यात सुरवातीला गुन्हा दाखल केला. त्यानंतर पुढील तपासासाठी हा गुन्हा माटुंगा पोलिस ठाण्यात वर्ग करण्यात आला. माटुंगा पोलिस ठाण्यात आरोपी विशाल विरकर विरोधात पोस्को कायद्यांतर्गग गुन्हा दाखल करण्यात आला असून याप्रकरणी पोलिस अधिक तपास करत आहेत.