आमदार सुनील कांबळे यांच्याकडून नागरिकांना दमदाटी

पुणे प्रतिनिधी / पुण्यातल्या कॅन्टोन्मेंट मतदार संघातले आमदार सुनील कांबळे(Sunil Kamble) यांचा एक व्हिडिओ व्हायरल होतोय. आमदार या व्हिडिओत नागरिकांना दमदाटी करत असल्याचं पाहायला मिळतंय. मार्केटयार्ड मधील आनंदनगर झोपडपट्टीमध्ये राहणाऱ्या नागरिकांना आमदार दमदाटी करत आहेत. एका खाजगी बांधकाम व्यावसायिकच्या फायद्यासाठी सुनील कांबळे दमदाटी करत असल्याचा आरोप करण्यात आला आहे. या प्रकरणात आनंद नगर झोपड पट्टीतील स्थानिक नागरिकांनी पुण्याचे पोलीस आयुक्तांकडे ऑनलाइन तक्रार केली आहे.