पनवेलमध्ये ज्वेलर्सच्या दुकानाला पाडले भगदाड !

पनवेल प्रतिनिधी – पनवेल(Panvel) मधील कामोठे सेक्टर(Kamothe Sector) 10 मधून चोरीची मोठी घटना उघडकीस आली आहे. कामोठे सेक्टर 10 मधील लक्ष्मी ज्वेलर्सवर दरोडा टाकण्यात आला. यावेळी दुकानातून जवळपास 6 लाखांचे चांदीचे दागिने लंपास करण्यात आली. ही घटना रात्रीच्या सुमारास घडली. काही अज्ञात व्यक्तींनी रात्री भिंतीला मोठा बोगदा पाडला आणि ज्वेलर्सच्या दुकानात प्रवेश करून जवळपास 6 लाखांचे चांदीचे दागिने लंपास केले. सोन्याच्या दागिन्यांचे कपाट फोडता न आल्याने सुदैवाने ते वाचले. याप्रकरणी कामोठे पोलीस ठाण्यात गुन्हा दाखल झाला आहे. सीसीटीव्ही आणि इतर बाबींच्या माध्यमातून चोरांचा तपास सुरू आहे.