नाल्यात आढळला महिलेचा हात-पाय बांधलेले मृतदेह

मुंबई प्रतिनिधी – मुंबईतून एक धक्कादायक बातमी समोर आली आहे. मुंबईतील कुर्ला पूर्व येथील बंटर भवन परिसरात एका नाल्यात महिलेचा मृतदेह आढळला आहे. हा मृतदेह एक गोणीत भरलेला होता आणि त्या महिलेचे हात-पाय दोरीने बांधलेले होते. एका वाटसरुला हा मृतदेह दिसल्याने त्याने तात्काळ याची माहिती पोलिसांना दिली. महिलेचे हात पाय दोरीने बांधलेले आढळल्याने त्या महिलेचा खून करून तिचा मृतदेह नाल्याजवळ फेकून दिल्याचा संशय पोलिसांना आहे.