शेख हसीनांवर खुनाचा गुन्हा दाखल

ढाका : बांगलादेशची राजधानी ढाका येथे 19 जुलै रोजी पोलिसांनी केलेल्या गोळीबारात किराणा दुकानाचे मालक अबू सईद यांचा मृत्यू झाला होता. या प्रकरणी बांगलादेशच्या माजी पंतप्रधान शेख हसीना आणि इतर सहा जणांविरुद्ध खुनाचा गुन्हा दाखल झाला आहे,. युनूस सरकारच्या अंतर्गत हसीनाविरूद्ध हा पहिला खटला आहे. त्यांच्याबरोबर बांगलादेशचे माजी गृहमंत्री असदुज्जमन खान कमाल आणि अवामी लीगचे सरचिटणीस ओबेदुल कादर, माजी पोलिस महानिरीक्षक (आयजीपी) चौधरी अब्दुल्ला अल-मामून आणि माजी डीएमपी सह आयुक्त बिप्लब कुमार सरकार यांच्याावरही खुनाचा गुन्हा दाखल झाला आहे.