२९ कोटीच्या गैरव्यवहार प्रकरणी जनता नागरी सहकारी पतसंस्थेवर गुन्हा दाखल

  येवला प्रतिनिधी  –   येवला येथील जनता नागरी सहकारी पतसंस्थेच्या संचालक मंडळांनी संगनमताने जाणून-बुजून खोट्या नोंदी व चुकीची आर्थिक पत्रके तयार करून संस्थेच्या ठेवीदार व सभासदांच्या २९ कोटी २ लाख ४६ हजार रुपयांचा गैरव्यवहार व फसवणूक केल्याप्रकरणी शहर पोलिस स्थानकात या पतसंस्थेवर गुन्हा दाखल झाला आहे. सहकारी संस्थांचे लेखापरीक्षक संजीव शिंदे (नाशिक) यानी दिलेल्या फिर्यादीवरून अध्यक्ष यांच्यासह संचालक मंडळाच्या विरोधात गुन्हा दाखल करण्यात आला आहे.