निमा स्टूडेंट फोरम महाराष्ट्र अध्यक्षपदी डॉ. सागर कारंडे 

नाशिक: निमा महाराष्ट्र राज्याची २०२२-२०२४ ची पहिली कार्यकारणी सभा बुलढाणा येथे नुकतीच संपन्न झाली. त्या सभेमध्ये नॅशनल  इंटीग्रेटेड मेडीकल असोसिएशन (निमा) स्टूडेंट फोरम – राज्य शाखेचा पदग्रहण सोहळा आमदार संजय गायकवाड तसेच निमा सेंट्रल शाखा पदाधिकारी व निमा महाराष्ट्र शाखा पदाधिकारी यांच्या उपस्थित करण्यात आला. यावेळी निमा स्टूडेंट फोरम महाराष्ट्र अध्यक्षपदी डॉ. सागर कारंडे ( नाशिक), सचिव-डॉ.अक्षय गांधी( सोलापुर), कोषाध्यक्ष- डॉ.संकेत झाडे ( चंद्रपुर) यांच्यासह इतर कार्यकारिणी सदस्यांना पदभार सुपूर्त करण्यात आला.

सदर पदग्रहण सोहळ्यात निमा सेंट्रल शाखेचे डॉ. आशुतोष कुलकर्णी ( अध्यक्ष- निमा भारत) , डॉ. शांतीलाल शर्मा (कोषाध्यक्ष) तसेच डॉ विनायक टेंभूर्णीकर, डॉ. गजानन पडघन, डॉ. सौ. वैशाली पडघन , डॉ. शैलेश निकम , डॉ. पवन सोनवणे तसेच निमा महाराष्ट्र शाखा अध्यक्ष- डॉ. तुषार सूर्यवंशी, सचिव- डॉ. मोहन येंडे, कोषाध्यक्ष- डॉ. सोपान खर्चे यांनी नवनियुक्त स्टूडंट फोरम पदाधिका-यांचा सत्कार केला. कार्यक्रमाचे संपूर्ण नियोजन हे निमा बुलढाणा शाखा यांनी उत्कृष्ट रित्या पार पाडले. पद्ग्रहण सोहळ्यास मोठ्या संख्येने सभासद महाराष्ट्रातून उपस्थित होते.