भरधाव डंपर आणि दुचाकी यांच्यात जोरदार धडक

बोरिवली प्रतिनिधी – महाराष्ट्रातील रस्ते अपघाताचं सत्र सुरुच आहे. मुंबईच्या पश्चिम उपनगरातील बोरिवलीत रात्री उशिरा भीषण अपघात घडला. एका डंपर आणि दोन दुचाकी यांच्यात जोरदार धडक झाली. या अपघातामध्ये दोन्ही बाईक डंपरखाली आल्या. त्यामुळे अपघाताची तीव्रता आणखी वाढली. दोन दुचाकीस्वार या भीषण अपघातामध्ये गंभीररीत्या जखमी झाले. त्यांच्यावर सध्या रुग्णालयात उपचार सुरु आहेत. नेमका हा अपघात कशामुळे घडला हे कळू शकलेलं नाही. याप्रकरणी  पुढील तपास पोलीस करत आहेत .