मासिक पाळीच्या त्रासामुळे १४ वर्षीय मुलीची आत्महत्या

मुंबई प्रतिनिधी – मुंबईच्या मालवणी भागात 14 वर्षांच्या मुलीच्या आत्महत्येने लोकांना धक्का बसला आहे. रिपोर्ट्सनुसार मुलीला पहिल्यांदा मासिक पाळी आली आणि तिला खूप वेदना होत होत्या. यामुळे तिने आत्महत्या केल्याचे सांगण्यात आले. पोलिसांनी सांगितले की, मयत मुलगी तिच्या मासिक पाळीच्या कमी आणि चुकीच्या माहितीमुळे तणावाखाली होती. पोलिसांनी सांगितले की मुलीने 26 मार्चच्या संध्याकाळी आत्महत्या केली. त्यावेळी घरी कोणी नव्हते. मुलीचे शेजारी आणि नातेवाईक तिला घेऊन कांदिवली येथील शासकीय रुग्णालयात गेले. तेथे डॉक्टरांनी त्यांना मृत घोषित केले. पोलिसांच्या प्राथमिक चौकशीत मृलीच्या नातेवाईकांनी सांगितले की, तिला पहिल्यांदा मासिक पाळी आल्याने तिला त्रास झाला होता. तीव्र वेदनांमुळे ती मानसिक तणावाखालीही होती. सर्व बाबी लक्षात घेऊन या प्रकरणाचा तपास सुरू असल्याचे पोलिसांनी सांगितले आहे. अधिकाऱ्याने सांगितले की, पोलीस मृत मुलीच्या फ्रेंड्सशी बोलून त्याच्या मानसिक तणावाबाबत अधिक जाणून घेण्याचा प्रयत्न केला जाईल. याशिवाय मुलीच्या ऑनलाइन अॅक्टिव्हीटीबद्दल माहिती संकलित केली जाणार आहे. शवविच्छेदनानंतर मृतदेह नातेवाईकांच्या ताब्यात दिला जाईल.