फुकट्या प्रवाशांकडून 11 लाखाचा दंड वसूल

सोलापूर ः सोलापूर विभागाच्या कलबुर्गी स्थानकावर रविवारी 5 नोव्हेंबर रोजी विशेष तिकीट तपासणी मोहीम राबविण्यात आली होती, यात फुकट्या प्रवाशांकडून तब्बल 11 लाख 77 हजार रुपयांचा दंड वसूल करण्यात आला आहे. ही विशेष तिकीट तपासणी मोहीम दैनंदिन तिकीट तपासणीसह आयोजित केली गेली.
या मोहिमेत वाणिज्य निरीक्षक 2, तिकीट तपासणी कर्मचारी- 42, आरपीएफ कर्मचारी- 01 कर्मचारी सहभागी झाले. विशेष तपासणीमध्ये पकडलेल्या तिकीट कमी प्रवाशांची एकूण संख्या-518 प्रवासी होते. पकडले गेलेले सर्व तिकीट नसलेले प्रवासी विशेष तपासणी आणि नियमित चेक-1662 प्रवाशांसह विशेष तपासणीमध्ये एकूण दंड 3 लाख 40 हजार 785 रुपये आणि 05 नोव्हेंबर रोजी विशेष चेक आणि नियमित चेकसह एकूण दंड रु.11 लाख 77 हजार 950 रुपये वसूल केले गेले. रेल्वे प्रशासन रेल्वे प्रवाशांना असे आवाहन करते की अनाधिकृत विक्रेत्यांकडून कुठल्याही प्रकारच्या अन्न, फास्टफूड, पिण्याच्या पाण्यांची बाटली खरेदी करू नये, कारण त्यांचा दर्जा निकृष्ट असू शकतो, अशा विक्रेत्यांवर रेल प्रशासन कारवाही करत आहे, त्याकरिता प्रवाश्यांनी, रेल प्रशासनाला सहकार्य करण्याचे आवाहन रेल्वे सोलापूर रेल्वे विभागाकडून करण्यात आले आहे.