सतरंज्या विकायला आलेल्यांनी मारला मंगळसूत्रावर डल्ला.

औरंगाबाद प्रतिनिधी – औरंगाबाद(Aurangabad) शहरात सतरंज्या विकण्यासाठी आलेल्या दोघांनी महिलांच्या गळ्यातील मंगळसूत्रांवर डल्ला मारला. शहरातील रस्त्यांवर फिरणाऱ्या या दोघांनी तीन मंगळसूत्र चोरली. या घटना सीसीटीव्ही फुटेजमध्ये कैद झाल्या. शहरातील गुन्हे शाखेच्या पोलिसांनी(Crime Branch Police) या दोघांचा माग काढत त्यांना पकडले. पोलिसांनी रचलेल्या सापळ्यात अडकल्यानंतर या दोघांनीही गुन्ह्याची कबुली दिली.